Причини за несвестица
Постојат два вида несвестица:
- Липтимија - кога чувствувате дека се губие, но свеста, всушност, не се губи сосема.
- Синкола -кратка и ненадејна несвестица. Тоа е вистинско губење на свеста на неколку секунди, проследено со мала празнина во помнењето (амнезија).
Причини
Причината речиси секогаш е слабото снабдување на мозокот со крв, поради што доаѓа до недостиг на кислород и до моментно запирање на мозочна активност. До таквата состојба доведуваат: силните емоции, проблемите со крвниот притисок, проблемите со срцето, недостигот на шеќер во крвта.
Кај оние што се понервозни и плашливи, посилните емоции може да доведат до ненадејно губење на свеста, на пример додека гледаат неубави сцени, или во ситуација на паника и голема возбуда.
Симптоми за хипогликемија
Несвестицата може да се спречи со земање мало количество шеќер, мед или некоја коцка чоколадо, Симптоми на хипогликемија се:
- чувство на слабост
- потење
- треперење
- силно чувство на глад
Симптоми
Пред да настапи несвестицата се јавуваат некои од следниве симптоми:
- нагло потење
- тахилардија
- чувство на слабост и замор, често проследено со заматување на видот (магла пред очите)
- нагло опаѓање на крвниот притисок
Неколку секунди непосредно пред несвестицата се јавуваат симптомите:
- потење
- чувство на мачнина
- просевање и чувство на замор
- поматување на видот
- нерамномерно отчукување на срцето, аритмија.
Паѓањето во несвест може да се случи одненадеж, без претходните симптоми на предупредување, но недоволниот доток на крвта во мозокот може да предизвика и некои симптоми, како што се:
- вртоглавица
- несвестица поради недостиг на шеќер во крвта
Меѓу честите причини за несвестица се вбројува и хипогликемијата, т.е. недостигот на шеќер во крвта, а хипогликемијата ја предизвикуваат:
- недоволното внесување на шеќери и јаглеродни хидрати во исхраната
- интезивната физичка активност, при што гликозта во крвта пребрзо се троши поради зголемената работа на мускулите.
- кога личноста што боледува од шеќерна болест зема преголема доза инсулин, по правило се јавува хипогликемија и како последица на тоа - несвестица.
Совет
Пијте повеќе течности, не се преполнувајте со храна и пијалаци, избегнувајте тешка храна и алкохол. Повремено пешачете или барем трчајте во место и полека станувајте од кревет.
0 коментари