Магдонос во се'

Ако на пуст остров смеете да понесете само едно растение, најдобро е тоа да биде - магданосот.

Во него е концентрирано сето она што е добро за вашиот организам.

Само со дневно количество од 10 грама магдонос си обезбедувате 20% од потребниот витамин Ц (во 100 грама магданос има 170 мг витамин Ц), 12-30 проценти неопходен провитамин A (бета каротин), 3% витамин Е и 6% витамин Б.

Магдоносот дури има и многу важни минерали (калциум, калиум, фосфор, манган, железо) и флавоноиди кои се значајни во превенцијата на кардиоваскуларните заболувања. Сепак, влакната од оваа корисна билка можат да им пречат на некои лица со осетливи црева.